Local

කොළඹ උද්ධමනය ගැන දැනුවත්ද?

Saturday, 31 August 2024 - 7:55 am

ජනලේඛන සහ සංඛ්‍යාලේඛන දෙපාර්තමේන්තුව 2024 අගෝස්තු මාසය සඳහා කොළඹ පාරිභෝගික මිල දර්ශකය සහ කොළඹ නාගරික ප්‍රජාවගේ පාරිභෝගික උද්ධමන අනුපාතය ප්‍රකාශයට පත් කර තිබෙනවා.

ඒ අනුව කොළඹ නාගරික ප්‍රජාවගේ පාරිභෝගික උද්ධමන අනුපාතය 2024 අගෝස්තු මාසය සඳහා 0.5% ක් දක්වා අඩු වී ඇති බව සඳහන්.

එය 2024 ජූලි මාසය සඳහා 2.4% ක් ලෙස වාර්තා වී තිබුණු බවයි දැක්වෙන්නේ.

ආහාර කාණ්ඩයේ වාර්ෂික උද්ධමනය 0.8% දක්වා අඩු වී ඇති අතර එය 2024 ජූලි මාසයේ දී 1.5% ක් ලෙස දක්වා තිබෙනවා.

එමෙන්ම, 2024 අගෝස්තු මාසය සඳහා ආහාර නොවන කාණ්ඩයේ වාර්ෂික උද්ධමනය 0.4%ක් දක්වා අඩු වී ඇති අතර එය 2024 ජූලි මාසයේ දී 2.8% ක් ලෙස දැක්වූ බව සඳහන්.