සැමියා සහ පුතා ඇරලවන්න ගුවන්තොටුපළට ගිය මවට අත් වූ ඉරණම
Wednesday, 24 January 2024 - 7:41 pm
A-9 මාර්ගයේ කිළිනොච්චිය අලිමංකඩ ප්‍රදේශයේදී අද(24) අලුයම ලංගම බස් රථයක් හා වෑන් රථයක් මුහුණට මුහුණ ගැටීමෙන් එක් අයෙකු මියගොස් 08 දෙනෙකු තුවාල ලබා තිබේ.
අනතුරෙන් තුවාල ලැබූවන් කිළිනොච්චිය රෝහලට ඇතුළත් කර ඇත. තුවාල ලැබූවන් අතර දරුවන් දෙදෙනෙක් ද වේ.
පොලීසිය සඳහන් කළේ, යාපනය සිට මහනුවර බලා ධාවනය වු ගමනාගමන මණ්ඩලයේ බස් රථයක් හා කටුනායක ගුවන්තොටුපොළ වෙත ගොස් නැවත යාපනය වෙත ගමන්ගත් වෑන් රථයක් එකිනෙක ගැටීමෙන් අනතුර සිදුව ඇති බවයි.
බස් රථය මාර්ගයේ සිටි ගවයින් රංචුවක ගැටීමෙන් අනතුරුව ඉදිරියෙන් පැමිණි වෑන් රථයේ ගැටී අනතුර සිදුව ඇත.
අනතුරින් මිය ගොස් ඇත්තේ වෑන් රථයේ ගමන් ගත් කාන්තාවකි. ඇය සිය සැමියා සහ පුත්‍රයාව විදෙස් ගත වීම සදහා ගුවන්තොටුපළට රැගෙන ගොස් යළි පැමිණීමේ දී මෙම අවාසනාවන්ත සිද්ධියට මුහුණ දී තිබේ.
මෙම අනතුරින් මී ගවයින් 09 දෙනෙකු ද මිය ගොස් ඇතැයි වාර්තා වේ.
.webp)
