Local

මහා පරිමාණ ව්‍යාපාරිකයින් බදු දැලට හසු කරගැනීමට වෙනම ඒකකයක් ස්ථාපනය කළා - මුදල් අමාත්‍යාංශ ලේකම්

Tuesday, 02 January 2024 - 7:09 pm

මහා පරිමාණ ව්‍යාපාරිකයින්, ධන කුවේරයින් බදු දැලට හසු කර ගැනීම සඳහා දේශීය ආදායම් දෙපාර්තමේන්තුවේ වෙනම ඒකකයක් මෑතක දී ස්ථාපිත කළ බව මුදල් අමාත්‍යංශ ලේකම් මහින්ද සිරිවර්ධන පවසනවා.

Large tax Payer Unit ලෙස දැනටමත් දේශීය ආදායම් දෙපාර්තමේන්තු ඒකකයක් ඇති බවත්, මෑතකදී High Net-worth Costumers Unit ලෙස නව ඒකකයක් ස්ථාපිත කළ බවයි මුදල් අමාත්‍යංශ ලේකම්වරයා සඳහන් කළේ.

එයට මහා පරිමාණ ව්‍යාපාරිකයින්, ධන කුවේරයින් ඇතුළු පිරිස් අයත් වන බවත් ඔවුන්ගෙන් ලැබිය යුතු බද්ද, රටට ඒ ආකාරයෙන් ලැබෙනවාද යන්න තහවුරු කර ගැනීම සඳහා ක්‍රියාමාර්ග ගනිමින් ඇති බවයි භාණ්ඩාගාර ලේකම් මහින්ද සිරිවර්ධන වැඩිදුරටත් සඳහන් කළේ.