Local

මාර්තු 5 සිට 7 දක්වා පාර්ලිමේන්තුව රැස්වේ

Saturday, 02 March 2024 - 4:29 pm

මාර්තු 05, 06 සහ 07 යන දිනයන් හි පාර්ලිමේන්තුව පැවැත්වෙන බවත්, 08 වැනි සිකුරාදා දිනය රජයේ නිවාඩු දිනයක් බැවින් එදින පාර්ලිමේන්තුව රැස් නොවන බවත් පාර්ලිමේන්තු සන්නිවේදන අංශය දැනුම් දෙනවා.

ඒ අනුව මාර්තු 05 වැනි අඟහරුවාදා පෙ.ව.09.30ට පාර්ලිමේන්තුව රැස් වීමට නියමිතව ඇති අතර, අදාල දින තුනෙහිදී වාචික පිළිතුරු අපේක්ෂා කරන ප්‍රශ්න සඳහාත්, විවිධ පනත් කෙටුම්පත් සඳහා අදාල විවාද සඳහාත් කාලය වෙන්කොට තිබෙනවා.

මේ අතර, කාර්ය මණ්ඩල වැටුප් වැඩිකර ගැනීම සම්බන්ධයෙන් කරුණු විමසීම සඳහා මහ බැංකු නිලධාරීන් පිරිසක් ලබන 05 වනදා පෙ.ව 10.30ට පැවැත්වෙන පක්ෂ නායක රැස්වීමට කැඳවීමට ද ඊයේ (01) පැවති පාර්ලිමේන්තු කටයුතු පිළිබඳ කාරක සභාවේදී තීරණය කර තිබෙනවා.