සියලු කොටස් එකොළොස් දහසෙන් පහළට
Wednesday, 28 August 2024 - 10:10 pm
2024 වසරේ මාර්තු 07 වන දිනෙන් පසු ප්‍රථම වරට කොළඹ කොටස් වෙළෙඳපොළ සියලු කොටස් මිල දර්ශකය අද (28) දිනයේ දී ඒකක 11,000 සීමාවෙන් මෙපිටට පැමිණියේය.
එහිදී අද දින ගනුදෙනු අවසානයේ දී සියලු කොටස් මිල දර්ශක අගය ඒකක 147.67 කින් පහළ ගොස් ඒකක 10,945.81 ක් ලෙසින් වාර්තා වුණි.
මෙලෙස සියලු කොටස් මිල දර්ශක අගය ඒකක 100 ක් ඉක්මවූ ප්‍රමාණයකින් පහළ ගිය අඛණ්ඩ තෙවෙනි දිනය අදයි.
මේ අතර අද S&P SL20 මිල දර්ශකය ඒකක 52.92 කින් පහළ ගොස් ඒකක 3,096.04 ක් ලෙසින් වාර්තා විය.
රු. මිලියන 732 ක ගනුදෙනු පිරිවැටුමක් අද දින වාර්තා වී තිබුණි.
සියලු කොටස් මිල දර්ශකයේ මෙම කඩාවැටීමට සමාගම් 141 ක කොටස් මිල ගණන් පහළ යාම බලපා තිබූ අතර එහි දී කොමර්ෂල් බැංකුව, සම්පත් බැංකුව, මෙල්ස්ටාකෝප්, LOLC හෝල්ඩිංග්ස්, සහ සිලෝන් ටොබැකෝ කම්පැනි යන සමාගම්වල කොටස් මිල ගණන් පහළ යාම බෙහෙවින් බලපාන ලදී.
