Business

HSBC Sri Lanka බැංකුව Live+ ක්‍රෙඩිට් කාඩ්පත ශ්‍රී ලංකාවට හඳුන්වා දෙයි

Tuesday, 20 August 2024 - 9:22 am

HSBC Sri Lanka බැංකුව විසින් සිය නවතම Live+ ක්‍රෙඩිට් කාඩ්පත ශ්‍රී ලාංකික පාරිභෝගිකයින් වෙත හඳුන්වාදීම සිදු කෙරුණු අතර එය විශේෂයෙන්ම ජාත්‍යන්තර සංචාරයන්හි නියැලෙන, ජීවනවිලාසිතා අත්දැකීම් ප්‍රිය කරන පාරිභෝගිකයින් වෙනුවෙන්ම නිර්මාණය වූ ක්‍රෙඩිට් කාඩ්පතක.

මෙම කාණ්ඩයේ පාරිභෝගිකයින් හට සරිලන ආකාරයේ ප්‍රතිලාභ රැසක් Live+ ක්‍රෙඩිට් කාඩ්පත හරහා ලබා දීමට HSBC Sri Lanka බැංකුව විසින් කටයුතු කර ඇති අතර ඒ වෙනුවෙන් HSBC බැංකුව දරා ඇති පරිශ්‍රමය නව්‍යකරණ විසඳුම් හරහා පාරිභෝගිකයින් හට හොඳම අත්දැකීම් තිළිණ කිරීමට ඔවුන්ගේ ඇති කැපවීම මනාව සනාථ කරන්නකි. HSBC Sri Lanka බැංකුව විසින් VISA සමාගම සමඟ එක්ව Live+ ක්‍රෙඩිට් කාඩ්පත හඳුන්වාදී ඇති අතර Live+ ක්‍රෙඩිට් කාඩ්පත් හිමියන් හට Live+ Dining වැඩසටහන යටතේ ආසියාව පුරා ජනප්‍රිය අවන්හල් ගණනාවකින් 15% ක් දක්වා වට්ටම් ඇතුළු සුවිශේෂී දීමනාවන් ලබාගත හැකි අතර භෝජන, සාප්පු සවාරි සහ විනෝදාස්වාද යන කාණ්ඩ තුනට අයත් වන ගනුදෙනු සඳහා 10% ක් දක්වා cashback වාසි ලබා ගැනීමටද හැකියාව ලැබේ.