Telegram හි ප්‍රධාන විධායක නිලධාරියා අත්අඩංගුවට
Monday, 26 August 2024 - 8:59 am
ටෙලිග්‍රෑම් හී ප්‍රධාන විධායක නිලධාරී පවෙල් ඩුරොව් (Pavel Durov) ප්‍රංශයේ Bourget ගුවන් තොටුපොළේදී අත්අඩංගුවට ගෙන තිබේ.
ඒ ටෙලිග්‍රෑම් හරහා වැරදි සහගත පණිවුඩ හුවමාරු කිරීම පිළිබද ලැබී ඇති වරෙන්තුවකට අනුවය.
ඩුරොව් 2013 දී Telegram ආරම්භ කළ අතර රජයේ ඉල්ලීම්වලට අනුකූල වීම ප්‍රතික්ෂේප කිරීමෙන් පසුව ඔහු 2014 දී රුසියාව හැර ගියේය.
39 හැවිරිදි පවෙල් ඩුරොව් අද දිනයේ අධිකරණය වෙත ඉදිරිපත් කරන බව විදෙස් මාධ්‍ය වාර්තා කරයි.
රුසියාවේ TASS රාජ්‍ය ප්‍රවෘත්ති ඒජන්සියට අනුව, ප්‍රංශයේ රුසියානු තානාපති කාර්යාලය තත්වය පැහැදිලි කිරීම සඳහා “ක්ෂණික පියවර” ගනිමින් සිටී.
ඩුරොව් ඔහුගේ පෞද්ගලික ජෙට් යානයේ ගමන් කර ඇති බව ප්‍රංශ රූපවාහිනී නාලිකාවක් වන TF1 එහි වෙබ් අඩවියේ සඳහන් වේ.
ටෙලිග්‍රාම් රුසියාව, යුක්රේනය සහ පැරණි සෝවියට් සංගමයේ ප්‍රාන්තවල විශේෂයෙන් ජනප්‍රියවේ.
Facebook, YouTube, WhatsApp, Instagram, TikTok සහ Wechat වලට පසුව Telegram ප්‍රධාන සමාජ මාධ්‍ය වේදිකාවක් ලෙස ශ්‍රේණිගත කර ඇත.
