Local

VAT බදු පනතට ඡන්දය දෙන්න මම එන්නේ නැහැ - නාමල්

Monday, 11 December 2023 - 8:34 pm

එකතු කළ අගය මත බදු (සංශෝධන) පනත් කෙටුම්පතට ඡන්දය ලබාදීමට තමා නොපැමිණෙන බව පාර්ලිමේන්තු මන්ත්‍රී නාමල් රාජපක්ෂ පවසනවා.

ඒ අනුව අසීමිතව වැට් බද්ද වැඩි කිරීමට විරෝධය පළ කරමින් තමන් මෙම තීරණය ගත් බවත් මේ සම්බන්ධයෙන් පක්ෂය ද දැනුවත් කර ඇති බවයි අද (11) මාධ්‍ය වෙත අදහස් දක්වමින් මන්ත්‍රීවරයා සඳහන් කළේ.

එම පනතට විරුද්ධව ඡන්දය ලබාදීම පක්ෂයක් ලෙස මෙතෙක් තීරණය කර නොමැති බවත්, සවස් වරුවේ ඒ සම්බන්ධයෙන් සාකච්ඡා කර තීරණයක් ගනු ඇති බවයි ඔහු වැඩිදුරටත් සඳහන් කළේ.