International

2024දී පාකිස්තානයේ ළමා අපචාර 3350ක්

Friday, 30 May 2025 - 9:12 pm

පාකිස්තානයේ ළමා අයිතිවාසිකම් සංවිධාන හා රජයේ විවිධ ඒජන්සි වාර්තාවලට අනුව පසුගිය වසරේදි එරට ළමා අපචාර සිදුවීම් 3,364ක් සිදු වී ඇතැයි පාකිස්තාන ඩෝන් පුවත් සේවය වාර්තා කළේය.

ඉස්ලාමාබාද් ඇතුළු පළාත් රැසකින් රැස් කරනු ලැබූ එම සංඛ්‍යාලේඛනවලට පාකිස්තානයේ ජාතික හා ප්‍රාදේශීය මට්ටමේ පුවත්පත් 81ක පළවූ සිදුවීම් ද ඇතුළත් බව ඩෝන් පුවත් සේවය වැඩිදුරටත් වාර්තා කළේය. පාකිස්තානයේ සෑම සමාජ මට්ටමකම ළමා අපචාර ඉහළ ගොස් ඇති බව එරට සුප්‍රකට සහිල් නමැති රාජ්‍ය නොවන සංවිධානයේ වාර්තාවකින් පෙන්නුම් කර ඇතැයි ද ඩෝන් පුවත් සේවය සඳහන් කළේය. පැහැරගෙන යෑම්, අතුරුදන් කිරීම් සහ ළමා විවාහ වැනි බරපතළ සිදුවිම් ද ඇතුළුව පසුගිය වසරේ වාර්තා වන ළමා අපචාර සිදුවීම්වලට අවුරුදු 6 සහ 15 අතර වයස් කාණ්ඩයේ පසුවන දරුවන් වැඩි සංඛ්‍යාවක් ගොදුරු වී ඇති බවත්, ඒ අතර ගැහැනු දරුවන් 1,791ක් සහ පිරිමි දරුවන් 1,573ක් සිටින බවත් වාර්තා වේ.