දීමනා ගැටලුවට කඩිනමින් විසඳුමක් නොලැබුනහොත් සතියකින් පසු දැඩි වෘත්තීය ක්‍රියාමාර්ගයක් ගන්නවා. - සමන් රත්නප්‍රිය
Tuesday, 18 March 2025 - 8:15 pm
අයවැයෙන් හෙද සේවාවට සිදුකළ දීමනා හා උසස්වීම් කප්පාදුවට වහා විසඳුම් ඉල්ලා රජයේ හෙද නිළධාරීන්ගේ සංගමය මාර්තු 17 දින නැවත රටපුරා පැය 03 ක සේවාවෙන් ඉවත් වීමේ වර්ජන ක්‍රියාමාර්ගයක් හා රෝහල් ඉදිරිපිට දැවැන්ත උද්ඝෝෂණ ව්‍යාපාරයක් ක්‍රියාත්මක කරන ලදී.
ඒ හේතුවෙන් සෞඛ්‍ය ඇමති මැදිහත් වී එදිනම පෙ.ව. 11.00 ට මුදල් අමාත්‍යාංශ නිළධාරීන් සමඟ සාකච්ඡාවක් ලබාදුන් අතර එහිදී උසස්වීම් කප්පාදුවට විසඳුමක් ලබාදීමට අමාත්‍යාංශ නිළධාරීන් එකඟ විය.
එයට අදාළව මුදල් අමාත්‍යාංශය විසින් රාජ්‍ය පරිපාලන අමාත්‍යාංශ ලේකම්ට නිර්දේශයක් යැවිමටද එකඟ වන ලදී.
නමුත් අතිකාල දීමනා සහ රජයේ නිවාඩු දින දීමනා කප්පාදුවට විසඳුමක් නොලැබුණි. අයවැය යෝජනා සම්මත වන මාර්තු 21 දිනත් මෙයට අදාළ යෝජනා පාර්ලිමේන්තුවේදී ප්‍රකාශ කරන බව මෙයට පෙර සෞඛ්‍ය අමාත්‍යවරයා පොරොන්දු වී ඇත.
එබැවින් දීමනා ගැටළුවට ඉදිරි සතිය තුළ විසඳුම් ලබාදෙනු ඇතැයි අපේක්ෂා කරමු.
ඉදිරි සතිය තුළ මෙම දීමනා ගැටලුවට කඩිනමින් විසඳුමක් නොලැබුනහොත් සතියකින් පසු දැඩි වෘත්තීය ක්‍රියාමාර්ගයක් නැවත ගන්නා බව අවධාරණය කරන්නෙමු.
ස්තුතියි
මෙයට විශ්වාසී
සමන් රත්නප්‍රිය
සභාපති
රජයේ හෙද නිලධාරීන්ගේ සං
.webp)
