Local

වැරදි වැරදි හරි පටන් ගන්නයි ඕනේ - කේ.ඩී. ලාල්කාන්ත

Wednesday, 12 March 2025 - 6:36 pm

සත්ත්ව සංගණනය පළමු වටයෙන්ම 100% ක් සාර්ථක වන බවට තමා ප්‍රකාශ නොකරන බව කෘෂිකර්ම හා වාරිමාර්ග අමාත්‍ය කේ.ඩී. ලාල්කාන්ත පවසනවා.

ඒ අනුව එම සමීක්ෂණය කීප වතාවක්ම සිදු කිරීමට සිදුවිය හැකි බවයි අද (12) අයවැය කාරක සභා අවස්ථාවේ විවාදයට එක්වෙමින් අමාත්‍යවරයා සඳහන් කළේ.

වසර 76 ක් තුළ වනජීවී කළමනාකරණය සම්බන්ධයෙන් මාතෘකාවක් රට තුළ සාකච්ඡා නොවුනු බවද, ඒ සම්බන්ධයෙන් ලැජ්ජා විය යුතු බවද අමාත්‍යවරයා ප්‍රකාශ කර සිටියා.

මෙම වැඩසටහන අත්දැකීමක් ලෙස ගෙන, අනාගතයේ දවසක හෝ නිවැරදිව සිදු කිරීමට නම්, වැරදි වැරදී හෝ එය ආරම්භ කළ යුතු බවයි කෘෂිකර්ම හා වාරිමාර්ග අමාත්‍ය කේ.ඩී. ලාල්කාන්ත වැඩිදුරටත් පවසා සිටියේ.