Local

ලංකාව ගොඩදාන්න කියුබාව එනවා..

Friday, 06 December 2024 - 10:56 pm

ඩෙංගු රෝගය මෙරටින් තුරන් කිරීම සඳහා කියුබානු සෞඛ්‍ය අංශවල විශේෂඥ දැනුම ලබාගැනීමට රජය තීරණය කර ඇතිබව සෞඛ්‍ය අමාත්‍යාංශය පවසයි.

ඒ ශ්‍රී ලංකාවේ කියුබානු තානාපති එච්.ඊ. ඇන්ඩ්‍ර මාර්කෙලෝ ගොන්සාලිස් මහතා සහ මෙරට සෞඛ්‍ය බලධාරීන් අතර සෞඛ්‍ය අමාත්‍යාංශයේදී පැවති විශේෂ හමුවකින් අනතුරුවයි.

එහිදී ඩෙංගු මර්දනය සඳහා කියුබා රජය අනුගමනය කළ සාර්ථක පියවර පිළිබඳ අවධාරණය කළ තානාපතිවරයා මෙරටින් ඩෙංගු තුරන් කිරීම සඳහා උපරිමයෙන් සහයෝගය ලබා දෙන බව ප්‍රකාශ කර බව එම අමාත්‍යාංශය පවසයි.

මෙරට මහජන සෞඛ්‍ය වැඩසටහන් වැඩිදියුණු කිරීම සඳහා අදාළ විශේෂඥතාව සහ දැනුම ලබා දීම කියුබානු රජයේ අරමුණ වී තිබේ.

මදුරු කීටයන් මර්දනය කිරීමට භාවිත කරන ක්‍රම කිහිපයක් පිළිබඳව ද සාකච්ඡාව අතරතුර හඳුන්වා දී තිබේ.

ඩෙංගු හේතුවෙන් මේ වනවිට මෙරට මියගිය පුද්ගලයින් 23 දෙනෙකු මියගොස් තිබේ.

මේ වනවිට මෙරටින් ඩෙංගු රෝගීන් 46048 දෙනෙකු වාර්තා වී ඇතිබව ජාතික ඩෙංගු මර්දන ඒකකය පවසයි.