ජනාධිපති අපේක්ෂකයන් වෙනත් අපේක්ෂකයන් ප්‍රවර්ධනය කරමින්..
Tuesday, 17 September 2024 - 10:19 am
ඇතැම් ජනාධිපතිධූර අපේක්ෂකයන් වෙනත් අපේක්ෂකයන් ප්‍රවර්ධනය වන ආකාරයෙන් කටයුතු කරන බවට පැමිණිලි ලැබි ඇති බව මැතිවරණ කොමිෂන් සභාවේ සභාපති ආර්.එම්.ඒ.එල්. රත්නායක මහතා පැවසීය.
ඒ සම්බන්ධයෙන් අවධානය යොමුව ඇතිබව පැවසීය.
ජනාධිපතිවරණයට තරග කිරීම සඳහා අපේක්ෂකයන් නාම යෝජනා බාරදි ඇත්තේ තම ජයග්‍රහණය වෙනුවෙන් බවට තමන් විශ්වාස කරන බව සභාපතිවරයා පැවසීය.
එසේ වුවත් ඇතැම් අපේක්ෂකයන් වෙනත් අපේක්ෂකයන් වෙනුවෙන් හෝ ඔවුන් ප්‍රවර්ධනය වන ලෙස ප්‍රචාරක කටයුතු කරන බවට පැමිණිලි ලැබි තිබේ.
මෙවැනි ක්‍රියා සම්පූර්ණයෙන්ම මැතිවරණ නීතියට පටහැනි බව පැවසීය.
එවැනි අනීතික ක්‍රියා සිදු නොකරන ලෙස සියලු අපේක්ෂකයන්ගෙන් ඉල්ලා සිටින බව සභාපතිවරයා පැවසීය.
ජාතික මැතිවරණ කොමිෂන් සභාවේ නීති වලට පටහැනිව ප්‍රචාරක කටයුතු සිදුකරන්නේනම් ඒ සඳහා නීතිය ක්‍රියාත්මක කිරීමට සිදුවන බව පැවසීය.
නිදහස් සහ සාධාරණ මැතිවරණයක් පැවැත්වීමට සියලු ජනාධිපතිධූර අපේක්ෂකයන්ගෙ සහයෝගය අපේක්ෂා කරන බව වැඩිදුරටත් පැවසීය.
