සිංගප්පූරුවේ ‘ලී’ යුගය අවසන්
Thursday, 16 May 2024 - 8:29 am
දශක දෙකක් පුරා සිංගප්පූරුවේ අගමැතිවරයා ලෙස කටයුතු කළ ලී සීන් ලූං තනතුරෙන් ඉවත් වූ බව විදෙස් මාධ්‍ය වාර්තා කළේය. සිංගප්පූරුවේ පළමු අගමැති ලී ක්වාන් යූ ගේ වැඩිමල් පුත්‍රයා වන ලී සිං ලූං අගමැති ධුරයෙන් ඉවත්වීමත් සමඟ එරට විශිෂ්ටතම රාජ්‍යයක් ලෙස ඔසවා තැබූ ලී පරපුරේ දේශපාලන යුගය අවසන් වූ බව ද විදෙස් මාධ්‍ය සඳහන් කළේය. වසර 2004 සිට එරට අගමැතිවරයා ලෙස කටයුතු කළ ලී සීන් ලූං දේශපාලනයෙන් විශ්‍රාම ගැනීමේ අරමුණින් ධුරයෙන් ඉවත්වූ බව ප්‍රකාශ කර ඇතැයි වැඩිදුරටත් වාර්තා වේ. සිංගප්පූරුවේ නව අගමැතිවරයා ලෙස හිටපු උපඅගමැති සහ මුදල් ඇමැති ලෝරන්ස් වොං පත් වූ බව ද විදෙස් මාධ්‍ය සඳහන් කළේය.
සිංගප්පූරුව 1965දි ස්වාධීන රාජ්‍යයක් බවට පත්වීමෙන් පසු ලී ක්වාන් යූ එරට පළමු අගමැතිවරයා ලෙස කටයුතු කළ අතර, අනතුරුව 1990 සිට 2004 දක්වා ගෝ චොක් ටොං සිංගප්පූරුවේ දෙවැනි අගමැතිවරයා ලෙස කටයුතු කළේය.
.webp)
.webp)
.webp)
