ලොව පුරා තරුණියන් අන්තර්ජාලයෙන් නිරුවත් කළ ව්‍යාජ යූටියුබ්කරුවාට ඔස්ට්‍රේලියාවෙන් වසර 17ක සිරදඬුවම්
Thursday, 29 August 2024 - 9:13 am
අතිශය ජනප්‍රිය තරුණ යූ ටියුබ්කරුවකු ලෙස පෙනී සිටිමින් කැමරාව ඉදිරියේ ලිංගික ක්‍රියාකාරකම් සිදු කරන ලෙස ලොව පුරා සිය ගණනාවක තරුණියන් බිය ගැන්වූ පුද්ගලයකුට ඔස්ට්‍රේලියානු අධිකරණයකින් වසර 17ක සිරදඬුවම් නියම කර ඇතැයි විදෙස් මාධ්‍ය වාර්තා කළේය. මොහොමඩ් සෙයිනුල් ආබ්ඩීන් නමැති 29 හැවිරිදි මේ පුද්ගලයා අමෙරිකාව, බ්‍රිතාන්‍ය, ජපානය හා ප්‍රංශය ඇතුළු රටවල් 20ක කාන්තාවන් 286 දෙනකු එසේ ‘බ්ලැක්මේල්‘ කිරීම සම්බන්ධව චෝදනා 119කට වරදකරු වී ඇති අතර, ඔහුගේ බලපෑම්වලට හසුවූ තරුණියන්ගෙන් බහුතරය වයස අවුරුදු 16ට අඩු බව ද හෙළිවී ඇතැයි වාර්තා වේ.
ඔස්ට්‍රේලියාවේ පර්ත් නුවර අධිකරණයක විභාගයට ගත් එම නඩුව ඔස්ට්‍රේලියානු අධිකරණ ඉතිහාසයේ වඩාත්ම දරුණු ලිංගික හිංසන නඩුවක් බව ද විදෙස් මාධ්‍ය සඳහන් කළේය.
ළමා වියේදී පාකිස්තානයේ සිට සිය මාපියන් සමඟ ඔස්ට්‍රේලියාවට සේන්දු වූ මේ පුද්ගලයා ලොව පුරා තරුණියන් රැසක් සමඟ අන්තර්ජාලය ඔස්සේ වීඩියෝ තාක්ෂණය මගින් ලිංගිකත්වය ඉස්මතු වන ආකාරයේ සංවාදවල නිරතව ඇති අතර, පසුව එම සංවාද එම තරුණියන්ගේ පෙම්වතුන්ට හා සමීපතමයන්ට යවන බවට තර්ජනය කරමින් ඔවුන්ට කැමරාව ඉදිරියේ නිරුවත් වන ලෙසට බලපෑම් කර ඇතැයි අධිකරණයේදී හෙළි වී තිබේ. සිය නිවෙසේ සිටින සුරතල් සතුන් හා කුඩා දරුවන් සමඟ කැමරාව ඉදිරියේ ලිංගිකව හැසිරීමට ඇතැම් තරුණියන්ට බලපෑම් කර ඇතැයි ද අධිකරණයේදී වැඩිදුරටත් අනාවරණය වූ බව විදෙස් මාධ්‍ය වාර්තා කළේය.
සිරදඬුවමට එරෙහිව අධිකරණයෙන් සමාව අයැද ඉල්ලුම්පත්‍රයක් යොමු කිරීමට ඔහුට අවස්ථාවක් ඇති අතර, එම අවස්ථාව ඔහුට ලැබෙන්නේ 2033 අගෝස්තු මාසයේදී බව විදෙස් මාධ්‍ය වැඩිදුරටත් වාර්තා කළේය.
.webp)
.webp)
.webp)
