International

කාශ්මීර ප්‍රහාරයේ අපරාධකරුවන් සොයා පෘථිවියේ කෙලවර දක්වාම ලුහුබඳිනවා - නරේන්ද්‍ර මෝදි

Thursday, 24 April 2025 - 9:17 pm

කාශ්මිරයේ සංචාරකයන්ට ප්‍රහාර එල්ල කළ අපරාධකරුවන් සොයා පෘථිවියේ කෙලවර දක්වාම ලුහුබඳින බව ඉන්දීය අගමැති නරේන්ද්‍ර මෝදි පවසනවා.

ඒ අනුව අද (24) පැවති රැළියක් අමතමින් ඉන්දීය අගමැතිවරයා සඳහන් කළේ, ඉන්දියාව සෑම ත්‍රස්තවාදියෙකුම සහ ඔවුන්ට සහාය දක්වන්නන් හඳුනාගෙන, ලුහුබැඳ ගොස් දඬුවම් කරන බවයි.

ඉන්දියාව කිසි විටෙකත් ත්‍රස්තවාදයෙන් බිඳී නොයන බවත්, මනුෂ්‍යත්වය විශ්වාස කරන සෑම කෙනෙකුම තමන් සමඟ සිටින බවත්, මෙම කාලය තුළ තමන් සමඟ සිටින විවිධ රටවල ජනතාවට සහ ඔවුන්ගේ නායකයින්ට තමා ස්තූතිවන්ත වන බවත් ඉන්දීය අගමැතිවරයා සඳහන් කර තිබෙනවා.