සිංගර්, HONOR Magic 6 Pro Smart ජංගම දුරකතනය එළි දක්වයි
Tuesday, 20 August 2024 - 9:20 am
සිංගර් සමාගම විසින් Honor Magic 6 Pro හි තවත් විශිෂ්ට Smart ජංගම දුරකතනයක් ශ්‍රී ලාංකේය වෙළෙඳපොලට හඳුන්වා දෙමින් මෙරට Smart ජංගම දුරකතන වෙළෙඳපොලේ සුවිසල් සංධිස්ථානයක් සනිටුහන් කරන ලදී.
ඒ අනුව නවීන තාක්ෂණයෙන් යුත් Honor සන්නාමය සතු විශිෂ්ට කාර්ය සාධනයක් සහිත අලුත්ම Magic 6 Pro පාරිභෝගිකයා වෙත ගෙන ඒමට සිංගර් සමත් විය. පාරිභෝගික අවශ්‍යතාවන්ට මනාව ගැලපෙන නිෂ්පාදනයක් ලෙස පිළිගැනීමට ලක්ව ඇති Honor Magic 6 Pro ශ්‍රී ලාංකේය බුද්ධිමත් පාරිභෝගිකයින්ගේ ප්‍රියතම Smart ජංගම දුරකතනය බවට පත්වනු ඇත.
මෙම හඳුන්වාදීම පිළිබඳව අදහස් දක්වමින් සිංගර් සමූහ ව්‍යාපාරයේ ප්‍රධාන විධායක නිලධාරී මහේෂ් විජේවර්ධන මහතා සඳහන් කර සිටියේ “ජාත්‍යන්තර තාක්ෂණය ශ්‍රී ලාංකේය පාරිභෝගිකයා වෙත ගෙන ඒම වෙනුවෙන් සිංගර් හි කැපවීම Honor සමඟ වන හවුල්කාරීත්වය තුළින් මනාව පිළිබිඹු වනවා. Honor Magic 6 Pro සතු විශේෂාංග හා කාර්ය සාධනය ඉහළ මට්ටමේ Smart ජංගම දුරකතන භාවිතයේ පුළුල් වෙනසක් ඇති කිරීමට හේතු වනවා. එසේම මෙම නවතම Smart ජංගම දුරකතනය ශ්‍රී ලාංකේය වෙළෙඳපොලේ සුවිසල් වෙනසක් ඇති කරනු ඇතැයි අපි විශ්වාස කරනවා.” යනුවෙනි.
