Local

කිතුල් ගසින් වැටුණු සිව් දරු පියා මරුට

Friday, 08 March 2024 - 8:20 am

යටියන්තොට, කිතුල්ගල, මහබාගේ ප්‍රදේශයේ පුද්ගලයකු අඩි 25 ක් පමණ උසැති ගසක කිතුල් මදිමින් සිටියදී ඇදවැටී (06) ජීවිතක්ෂයට පත්ව ඇතැයි කිතුල්ගල පොලිසිය පැවැසීය.

මෙලෙස මිය ගොස් ඇත්තේ කිතුල්ගල, මහබාගේ, අංක 04 ජනපදයේ පදිංචිව සිටි 66 හැවිරිදි අතුලහේන ලේකම්ලාගේ ප්‍රේමසිරි නමැති සිව් දරු පියෙකි.

ඔහු කාලයක සිට කිතුල් කර්මාන්තයේ නියැළී සිටින බවත්, යටියන්තොට ප්‍රාදේශීය ලේකම් කාර්යාලයෙන් කිතුල්ගල ප්‍රදේශයේ කිතුල් මදින්නන්ට තම ආරක්ෂාවට ආරක්ෂක බඳ පටි දී ඇතත් මිය ගිය පුද්ගලයා එම ආරක්ෂක බඳ පටි නොපැලඳ කිතුල් ගස්වලට නගින බවත් පොලිසිය පැවැසීය. ඉකුත් 05 වැනිදා පෙරවරුවේ නිවෙසේ සිට මීටර් 300ක් පමණ ඈතින් පිහිටි කිතුල් ගස් මැද යළි නිවෙසට පැමිණ ආපසු සවස කිතුල් මැදීමට ගොස් ඇත.

එලෙස ගිය පියා නොපැමිණීම හේතුවෙන් දියණියක් පියාව සොයා ඇති බවත්, පසුව (06) අලුයම කිතුල් ගසක් යට වැටී සිටියදී තම පියා දියණිය විසින් සොයාගෙන ඇති බවත් පොලිසිය පැවැසීය.

පසුව කිතුල්ගල පොලිසියේ ස්ථානාධිපති, ප්‍රධාන පොලිස් පරීක්ෂක චන්දන අනුරපක්ෂ මහතාගේ උපදෙස් පරිදි පොලිස් කොස්තාපල් විදානරච්චි (76710) සහ යටියන්තොට ප්‍රාදේශීය ලේකම් කොට්ඨාසයේ හදිසි මරණ පරීක්ෂක ජගත් චන්දික රූපසිංහ මහත්වරුන් සිද්ධිය වූ ස්ථානයට ගොස් මූලික විමර්ශන කටයුතු සිදු කර වැඩිදුරටත් පරීක්ෂණ සඳහා දේහය කිතුල්ගල රෝහලට රැගෙන ගොස් තිබුණි.

කිතුල්ගල රෝහලේ සහකාර අධිකරණ වෛද්‍ය නිලධාරි වෛද්‍ය එච්. එම්. බී. කේ. හේරත් මහතා පශ්චාත් මරණ පරීක්ෂණය සිදු කර තිබේ. ගසකින් වැටී ශරීර අභ්‍යන්තරයේ වූ තුවාල හේතුවෙන් සිදු වූ හදිසි මරණයක් බවට හදිසි මරණ පරීක්ෂකවරයා තීන්දු කළේය.

එහිදී හදිසි මරණ පරීක්ෂකවරයා අදාළ ග්‍රාම නිලධාරිවරයා ගෙන්වා කියා සිටියේ ප්‍රදේශයේ කිතුල් මදින්නන්ට යටියන්තොට ප්‍රාදේශීය ලේකම් කාර්යාලයෙන් ආරක්ෂක බඳ පටි දී ඇති බවත් බඳ පටි නොපැලඳ ගස් නගින්නන්ට නීතිමය පියවර ගන්නා ලෙසත් උපදෙස් දුන්නේය.


Top Stories
wedivistara

උත්සව සමයේ භාණ්ඩ මිලදී ගැනීමේදී සැලකිලිමත් ‍වන්න - PHI සංගමය

wedivistara

ඔවුන් කුමන කුමන්ත්‍රණ කළත් දූෂිතයන්ට දඩුවම් දීමේ ක්‍රියාවලිය නවත්වන්නේ නෑ - ජනපති

wedivistara

දේශබන්දු තෙන්නකෝන්ට සැඟවී සිටීමට සහාය වූ දෙදෙනෙක් අත්අඩංගුවට

wedivistara

ලක්ෂ 16 ක් කොල්ල කෑ වැලිකඩ පොලිසියේ දෙදෙනෙක් ඇතුළු සැකකරුවන් සිව්දෙනෙක් රිමාන්ඩ්

wedivistara

මරදානේ චොප්පෙගේ පුත්‍රයා අත්අඩංගුවට

wedivistara

තැපැල් ඡන්ද පත්‍රිකා මුද්‍රණ කටයුතු අවසන් අදියරට පැමිණෙයි

Trending
wedivistara

චාමර සම්පත් අල්ලස් ​කොමිසම විසින් අත්අඩංගුවට ගනී

wedivistara

Starlink බ්‍රෝඩ්බෑන්ඩ් සේවා අප්‍රේල් මාසයේ සිට ශ්‍රී ලංකාව තුළ ක්‍රියාත්මකයි - නලින්ද ජයතිස්ස

wedivistara

දකුණු කොරියාවේ සිටින ශ්‍රී ලාංකිකයින්ට දැනුම්දීමක්

wedivistara

රාත්‍රි සමාජ ශාලාවේ ගැටුමට සම්බන්ධ හතරදෙනා රිමාන්ඩ් කිරීමට නියෝග

wedivistara

බැංකු දෙකක් සඳහා මහ බැංකුවෙන් දණ්ඩන පනවයි

wedivistara

හිටපු හමුදාපතිවරුන්ට පැනවූ සම්බාධක ගැන රජයේ ස්ථාවරය නිවේදනය කෙරේ


NEWS ALERT