Entertainment

පොළොන්නරුව පූජා නගරයේ අතීතය තවත් ඈතට හමුවෙයි

Tuesday, 06 August 2024 - 11:57 am

ලයිඩා තාක්‍ෂණයෙන් කළ පර්යේෂණවලින් අනාවරණය වේ

ලයිඩා තාක්ෂණය ඔස්සේ පොළොන්නරුව පූජා නගරයේ ඉතිහාසය තවදුරටත් විහිදෙන බවට පුරාවිද්‍යා පර්යේෂණයකින් අනාවරණය වේ.

පොළොන්නරුව ඉපැරණි පූජා නගරය සහ පරාක්‍රමබාහු මාලිගය පරිශ්‍රය තුළ ප්‍රථම වරට ලයිඩා තාක්ෂණය උපයෝගී කර ගනිමින් සිදු කරන ලද පර්යේෂණයකින් උද්‍යාන සහිත නටබුන් කලාපයක් සොයා ගැනීමට හැකි වූ බව මහාචාර්ය ප්‍රිශාන්ත ගුණවර්ධන මහතා 03 දා දහවල් මාධ්‍ය වෙත අනාවරණය කළේය.

මේ අනුව ඉපැරණි පරාක්‍රමබාහු මාලිගයේ සිට උතුරු දොරටුව දක්වා පොකුණු මාර්ග සහිත උද්‍යාන භූමියක නටබුන් දැකගත හැකි වන බව ඒ මහතා ප්‍රකාශ කළේය.

මෙම ලයිඩා තාක්ෂණයේ විශේෂත්වය වනුයේ ඉතාමත්ම ඝන කැලෑවක තිබෙන පුරාවිද්‍යාත්මක නටබුන් මීටර් තුනක් පොළොව යට නිරීක්ෂණය කර බැලීමට හැකි වීම බව බව ඒ මහතා මෙහිදී පැවසීය.

ඔස්ටේ්‍රලියාවේ ලාට්‍රොප් විශ්වවිද්‍යාලය සහ පුරාවිද්‍යා දෙපාර්තමේන්තුව, මධ්‍යම සංස්කෘතික අරමුදල සහ කැලණිය විශ්වවිද්‍යාලය එක්ව මසක පමණ සිට මෙහි කැණීම් කටයුතු සිදු කරන අතර මෙමගින් චීන කාසි සහ චීන යුගයේ භාවිත කරන ලද මැටි බඳුන් ද පරාක්‍රමබාහු රජමාලිගා පරිශ්‍රය තුළ සිදු කරන ලද කැණීම්වලින් සොයා ගත් බව ඒ මහතා පැවසීය.

මෙම කාසි චීනයේ 10 සහ 12 වැනි සියවස්වලට අයත් සෝන් යුගයේ චීන කාසි බවද ඒ මහතා කීය. පොළොන්නරුව යුගයට වඩාත් ඓතිහාසික අතීතයක් සහ පුරාතනයක් ජනාවාස යුගයක් තිබුණු බවට මෙසේ හමුවූ මැටි බඳුන් කැබලි තුළින් අනාවරණය වනු ඇතැයි ඒ මහතා තවදුරටත් කීය.

මෙහිදී හමු වූ චීන කාසි, පබළු සහ මැටි බඳුන්වල කාලනිර්ණය කිරීමට විද්‍යාගාර පර්යේෂණ සඳහා තවදුරටත් යොමු කළ යුතු බවද පැවසූ ඒ මහතා ඉතිහාසයේ චීනය සහ ශ්‍රී ලංකාව අතර දැඩි ජාත්‍යන්තර වෙළෙඳ සම්බන්ධතා තිබුණු බවට ඉතිහාස පොතපතේ සඳහන් කරුණු පොළොන්නරුව යුගයේදී සාක්ෂි සහිතව තවදුරටත් ඔප්පු වන බවද ඒ මහතා අවධාරණය කළේය.

මහාචාර්ය ප්‍රිශාන්ත ගුණවර්ධන මහතා වැඩිදුරටත් කියා සිටියේ ජී.පී.ආර්. තාක්ෂණය (පොළොව ස්කෑන් කිරීම තුළින්) ලබා ගත් පුරාවිද්‍යාත්මක සාධක සහ ලයිඩා තාක්ෂණය ඔස්සේ ලබාගත් සාධක පුරාවිද්‍යාත්මක සාධකවලට සමාන බවය.

මෙම පුරාවිද්‍යාත්මක පර්යේෂණය සහ හමුවූ සාධක පිළිබඳව ඔස්ටේ්‍රලියාවේ ලාට්‍රොප් විශ්වවිද්‍යාලයේ සහකාර අධ්‍යක්ෂ ආචාර්ය කියස්ටි්‍රක්ලන් මහතා ද අදහස් පළ කළේය.


Top Stories
wedivistara

උත්සව සමයේ භාණ්ඩ මිලදී ගැනීමේදී සැලකිලිමත් ‍වන්න - PHI සංගමය

wedivistara

ඔවුන් කුමන කුමන්ත්‍රණ කළත් දූෂිතයන්ට දඩුවම් දීමේ ක්‍රියාවලිය නවත්වන්නේ නෑ - ජනපති

wedivistara

දේශබන්දු තෙන්නකෝන්ට සැඟවී සිටීමට සහාය වූ දෙදෙනෙක් අත්අඩංගුවට

wedivistara

ලක්ෂ 16 ක් කොල්ල කෑ වැලිකඩ පොලිසියේ දෙදෙනෙක් ඇතුළු සැකකරුවන් සිව්දෙනෙක් රිමාන්ඩ්

wedivistara

මරදානේ චොප්පෙගේ පුත්‍රයා අත්අඩංගුවට

wedivistara

තැපැල් ඡන්ද පත්‍රිකා මුද්‍රණ කටයුතු අවසන් අදියරට පැමිණෙයි

Trending
wedivistara

චාමර සම්පත් අල්ලස් ​කොමිසම විසින් අත්අඩංගුවට ගනී

wedivistara

Starlink බ්‍රෝඩ්බෑන්ඩ් සේවා අප්‍රේල් මාසයේ සිට ශ්‍රී ලංකාව තුළ ක්‍රියාත්මකයි - නලින්ද ජයතිස්ස

wedivistara

දකුණු කොරියාවේ සිටින ශ්‍රී ලාංකිකයින්ට දැනුම්දීමක්

wedivistara

රාත්‍රි සමාජ ශාලාවේ ගැටුමට සම්බන්ධ හතරදෙනා රිමාන්ඩ් කිරීමට නියෝග

wedivistara

බැංකු දෙකක් සඳහා මහ බැංකුවෙන් දණ්ඩන පනවයි

wedivistara

හිටපු හමුදාපතිවරුන්ට පැනවූ සම්බාධක ගැන රජයේ ස්ථාවරය නිවේදනය කෙරේ


NEWS ALERT