දුම්රිය රියැදුරු දෙවන ශ්‍රේණියේ සිට පළමු ශ්‍රේණියට උසස් කිරීම සඳහා පැවැත්වෙන විභාගයට රියැදුරන් සූදානම් වීම හේතුවෙන් අද (17) උදෑසන දුම්රිය ගමන්වාර 10 ක් පමණ අවලංගු කිරීමට සිදුව තිබෙනවා.

ඒ අනුව කෙටි දුරගමන් සේවා දුම්රිය කිහිපයක් මෙලෙස අවලංගු කර තිබෙන බවයි වාර්තා වෙන්නේ.

මෙම විභාගය 19 වන ඉරිදා පැවැත්වෙන අතර ඒ සඳහා රියදුරන් 80 ක් පමණ පෙනී සිටීමට නියමිත අතර අද පස්වරුවේදීත් දුම්රිය ගමන්වාර 15 ක් පමණ අවලංගු කිරීමට සිදුවන බවයි වැඩිදුරටත් සඳහන් වෙන්නේ.