ඉරානයට පහර දෙන ඊශ්‍රායල සැලසුම් එළියට ගිහින්
Tuesday, 22 October 2024 - 10:24 am
ඉරානයට පහර දීම සඳහා ඊශ්‍රායල ය විසින් සකස් කර තිබූ සැලසුම් සම්බන්ධයෙන් ඇමැරිකා එක්සත් ජනපදය විසින් සිදු කර ඇති තක්සේරුව විස්තර කෙරෙන රහසිගත ලේඛන දෙකක් පිටතට කාන්දු වීම සම්බන්ධයෙන් ඇමරිකාව විසින් විමර්ශනයක් අරඹා තිබේ. මෙසේ පිටතට කාන්දු වී ඇති ලේඛන පසුගිය සතියේ අන්තර්ජාලයේ පළ කර තිබූ බවත් එම ලේඛනවල ඔක්තෝබර් 01 වැනිදා ඉරානය විසින් ඊශ්‍රායල ය වෙත එල්ල කර තිබූ මිසයිල ප්‍රහාරයට ප්‍රතිප්‍රහාර එල්ල කිරීම සඳහා ඊශ්‍රායලය සිය යුද සම්පත් හසුරුවන ආකාරය දැක්වෙන චන්ද්‍රිකා ඡායාරූප සම්බන්ධයෙන් විස්තර ඇතුළත්ව ඇතැයි ඇමරිකානු මහජන නියෝජිත මන්ත්‍රී මණ්ඩලයේ කථා නායකවරයා වන මයික් ජොන්සන් පවසා තිබේ.
‘අතිශයින් රහසිගතයි’ යනුවෙන් සලකුණු කර ඇති අදාළ ඇමරිකානු ලේඛන හුවමාරු කරගත හැකිව තිබුණේ ඇමරිකා එක්සත් ජනපදය, එංගලන්තය, කැනඩාව, නවසීලන්තය හා ඔස්ටේ්‍රලියාව යන රටවලට අයත් ‘ෆයිව් අයිස් නමැති බුද්ධි අංශ සන්ධානය තුළ පමණක් බව වාර් තා වී තිබේ. ඊශ්‍රායල ය විසින් සති ගණනක් මුළුල්ලේ ඉරානය විසින් එල්ල කළ මිසයිල ප්‍රහාරයට ප්‍රතිප්‍රහාර එල්ල කරන ආකාරය හා අවස්ථාව සම්බන්ධයෙන් තීරණය කරමින් සිටින බව විදෙස් මාධ්‍ය පවසයි.
.webp)
.webp)
.webp)
