International

කැනඩා ඉතිහාසයේ දැවැන්තම රන් කොල්ලය හසු වෙයි

Friday, 19 April 2024 - 8:33 am

වටිනාකම ඩොලර් මිලියන 14.5ක්

ආයුධ තොගයකුත් අල්ලයි

කැනඩා ඉතිහාසයේ විශාලතම රන් ජාවාරම හසු කරගැනීමට එරට පොලිසිය සමත් වී ඇතැයි විදෙස් මාධ්‍ය වාර්තා කළේය. පසුගියදා ටොරොන්ටෝ නුවර පියර්සන් ගුවන්තොටුපොළෙන් සොරා ගත් අමෙරිකානු ඩොලර් මිලියන 14.5ක් වටිනා රන් පොලු 6,500ක් සමඟ මිලියන ගණනාවක මුදල් තොගයක් අත්අඩංගුවට ගැනීමට පසුගියදා කැනඩාවේ පොලිසියට හැකි වී ඇතැයි ද, ඒ සමඟම කැනඩාවේදී භාවිත කිරීමට සැලසුම් කර තිබු අවිආයුධ තොගයක් සමඟ සැකකරුවකු අමෙරිකාවේ දී අත්අඩංගුවට පත් වී ඇතැයි ද විදෙස් මාධ්‍ය වැඩිදුරටත් වාර්තා කළේය.

සංවිධානාත්මක අපරාධ කල්ලියක් විසින් මේ රන් ජාවාරම සහ අවි ජාවාරම සිදු කර ඇතැයි කැනඩාවේ පොලිසිය ප්‍රකාශ කර ඇති අතර, සෝදිසි වරෙන්තු මත වැටලීම් සිදු කරමින් එම අපරාධය අනාවරණය කරගත් බව වැඩිදුරටත් සඳහන් කර තිබේ.