බීබීසී අයතනයේ ප්‍රකට ක්‍රීඩා විස්තර විචාරකයෙක් වන ජෝන් හන්ට් ගේ බිරිඳ සහ දියණියන් දෙදෙනා හර්ට්ෆොඩ්ෂයර් හි පිහිටි ඔවුන්ගේ නිවසේදි ඝාතනය කර තිබේ.

ජෝන්ගේ වැඩිමහල් දියණිය ලුයිස්ගේ හිටපු පෙම්වතා දුන්නක් භාවිත කර මෙම ත්‍රිත්ව ඝාතනයන් සිදුකර තිබෙන බව විදෙස් මාධ්‍ය වාර්තා කරයි.

මෙම ඝාතනය සම්බන්ධයෙන් කයිල් ක්ලිෆර්ඩ් නම් 26 හැවිරිදි සැකකරුව පොලීසිය විසින් අත්අඩංගුවට ගෙන තිබේ.

ජෝන් හන්ට් ගේ බිරිඳවන කැරොල්(61) සහ දියණියන් දෙදෙනා වන හැනා(28) හා ලුයිස් හන්ට් (25) මෙලෙස අවාසනාවන්ත ලෙස මිය ගොස් ඇත.

ඔවුන් තිදෙනාව ඝාතනය කිරීමට පෙර ගැට ගසා ඇතැයි සදහන් වේ.