Local

ජනතාව ඡන්දය දෙන්නේ මටයි.. මා වටා සිටින අයට නොවේ..- ජනපති

Wednesday, 07 August 2024 - 5:46 pm

ජනතාව ඡන්දය දෙන්නේ තමන්ටත් තමන්ගේ වැඩපිළිවෙලටත් බවත් තමන් වටේ සිටිනා අයට නොවන බවත් ජනාධිපති රනිල් වික්‍රමසිංහ මහතා පවසයි.
මාධ්‍ය ආයතන ප්‍රධානින් සමඟ පැවති හමුවකට එක්වෙමින් ජනාධිපතිවරයා මේ බව කියා සිටියේය.
ජනාධිපතිවරයා සමග එක්ව සිටින පොදු ජන පෙරමුණේ මැති ඇමතිවරුන් බොහොමයකට චෝදනා එල්ල වන බැවින් ඒ සම්බන්ධයෙන් දී ස්ථාවරය කුමක්දැයි කළ විමසමකට ප්‍රතිචාර ලෙස ඔහු එසේ කියා සිටියේය.
මැති ඇමතිවරුන්ට චෝදනා ඇත්නම් එය පාර්ලිමේන්තු මැතිවරණයේදී ජනතාව විසින්ම නිවැරදි කරනු ඇති බවත් පැවසූ ජනාධිපතිවරයා තමන් ස්වාධීනව ඉදිරිපත්ව ඇති නිසා ඕනෑම කෙනෙකුට තමන්ට සහාය දැක්වීමට ඉදිරිපත් විය හැකි බවද කියා සිටියේය.
මන්ත්‍රීවරයකුට චෝදනා ඇත්නම් තමන් ජනාධිපති ලෙස ඒ වෙනුවෙන් පෙනී නොසිටින බවත් දඩුවම් ලබාදීමට හැකියාව ඇත්තේ අධිකරණයට බැවින් එම ක්‍රියාවලියට තමන් බලපෑම නොකරන බවත් ඔහු තවදුරටත් එහිදී පැවසුවේය.