යුනියන් ඇෂුවරන්ස් වෙතින් වාරික ගෙවීමේ පුළුල් විකල්ප ක්‍රම
Thursday, 01 August 2024 - 9:26 am
ශ්‍රී ලංකාවේ ප්‍රමුඛතම ජීවිත රක්ෂණ සමාගම වන යුනියන් ඇෂුවරන්ස්, සිය පාරිභෝගිකයින්ට ඔවුන්ගේ ජීවිත රක්ෂණ ප්‍රතිපත්ති කළමනාකරණය කිරීමට සහ සමාගමේ විවිධ අංග, හවුල්කාර බැංකු සහ තුන් වන පාර්ශ්වයන් සම්බන්ධ කර ගනිමින් පුළුල් වාරික ගෙවීම් විකල්ප සමඟින් මූල්‍යමය වශයෙන් ආරක්‍ෂා වීම සඳහා අසමසම නම්‍යශීලී සේවාවක් පිරිනමයි.
Clicklife ජංගම ඇප් එක (Unionassurance.com/click-life-app) හරහා පාරිභෝගිකයින්ට පහසුවෙන් වාරික ගෙවීම් කළ හැකි අතර, සුහුරු මෙවලම් (smart devices) භාවිතයෙන් ඔවුන්ගේ ජීවිත රක්ෂණ ප්‍රතිපත්ති කළමනාකරණය කිරීමට ඉඩ සලසයි. Clicklife App යනු පාරිභෝගිකයින් අන්තර්ක්‍රියා කරන ආකාරය සහ ඔවුන්ගේ ජීවිත රක්ෂණ ප්‍රතිපත්ති කළමනාකරණය කරන ආකාරයේ විප්ලවීය වෙනසක් ඇති කරමින් රක්ෂණ ක්ෂේත්‍රය තුළ හඳුන්වා දුන් එවැනි ආකාරයේ ප්‍රථම යෙදුම වේ. මීට අමතරව, වාරික ගෙවීම් යුනියන් ඇෂුවරන්ස් ප්‍රධාන කාර්යාලයේදී, සමාගම් ශාඛාවලදී හෝ portal.unionassurance.com පාරිභෝගික ඔන්ලයින් ද්වාරය හරහා සහ ඍජු වාරික ගෙවීමේ ලින්ක් එක වන pay.unionassurance.com හරහා ද සිදු කළ හැකිය.
යුනියන් ඇෂුවරන්ස් සමාගම, ලංකා බැංකුව, කොමර්ෂල් බැංකුව, DFCC බැංකුව, හැටන් නැෂනල් බැංකුව, ජාතික ඉතිරිකිරීමේ බැංකුව, නේෂන්ස් ට්‍රස්ට් බැංකුව, NDB බැංකුව, මහජන බැංකුව, සම්පත් බැංකුව, සෙලාන් බැංකුව, ස්ටෑන්ඩර්ඩ් චාටර්ඩ් බැංකුව සහ යුනියන් බැංකුව යන ප්‍රමුඛ පෙළේ බැංකු 12ක් හරහා වාරික ගෙවීමට අවස්ථාව සැලසීමෙන් තවදුරටත් පහසුකම් පුළුල් කර තිබේ.
