කැනඩාවේ ඔත්තු බැලූ බවට චෝදනා එල්ල වූ විද්‍යාඥයෝ දෙදෙනෙක් සේවයෙන් දොට්ට
Sunday, 03 March 2024 - 8:23 am
කැනඩාවේ ප්‍රකට විද්‍යාඥයන් දෙදෙනකු ඔත්තු බැලීමේ චෝදනා මත සේවයෙන් පහ කර ඇතැයි විදෙස් මාධ්‍ය වාර්තා කළේය. ෂියැංගු කියු සහ කෙඩිං චෙං නමැති මේ විද්‍යාඥයන් දෙදෙනා චීන ජාතික අඹුසැමියන් බවත්, ඔවුන් චීනයට ඔත්තු සැපයූ බව තහවුරු වූ බවත් සවුත් චයිනා මෝනිං පුවත් සේවය වාර්තා කළේය.
කැනඩාවේ විනිපෙග් නුවර ජාතික ක්ෂුද්‍රජීව විද්‍යාගාරයේ සේවය කළ බව කියන එම විද්‍යාඥයන් යුවළ කාලයක් පුරා චීනයට රහසිගත තොරතුරු සපයා ඇතැයි විදෙස් මාධ්‍ය වැඩිදුරටත් වාර්තා කළේය. ඉබෝලා වැනි භයානක මානව හා සත්ව රෝග කාරක සම්බන්ධව පර්යේෂණ සිදු කරන එම විද්‍යාගාරය අධිආරක්ෂිත මධ්‍යස්ථානයක් බව ද වාර්තා වේ.
එම විද්‍යාඥයන් දෙදෙනා කැනඩාවේ ආර්ථික හා ආරක්ෂාවට තර්ජනයක් බවට බලධාරීන් නිගමනය කර ඇති අතර, ඔවුන් සේවයෙන් පහ කිරීම සම්බන්ධව තොරතුරු ඉල්ලා විපක්ෂය දැඩි අරගලයක නිරතවීම හේතුවෙන් එම තොරතුරු අනාවරණය කිරීමට කැනේඩියානු රජය පියවර ගෙන ඇතැයි වාර්තා වේ.
.webp)
.webp)
.webp)
