Entertainment

සරච්චන්ද්‍ර නාට්‍ය උළෙල ඇරඹේ

Friday, 30 August 2024 - 7:01 pm

වාර්ෂිකව පැවැත්වෙන මහාචාර්ය එදිරිවීර සරච්චන්ද්‍ර අනුස්මරණ නාට්‍ය උළෙල සැප්තැම්බර් මස 01 වැනිදා සිට සැප්තැම්බර් මස 07 වැනිදා දක්වා දිනපතා සවස 6.45ට මරදාන එල්ෆින්ස්ටන් රඟහලේදී වේදිකාගත කිරීමට කටයුතු සංවිධානය කර ඇත.

මෙහිදී පිළිවෙළින් සැප්තැම්බර් 01 වැනිදා මනමේ, 02 වැනිදා වෙල්ල වැහුම්, 03 වැනිදා මහාසාර, 04 වැනිදා හඩනිකාන්ත මන්තරේ, 05 වැනිදා පෙමතො ජායතී ශෝකෝ, 6 වැනිදා රත්නාවලී, 07 වැනිදා සිංහබාහු යන සරච්චන්ද්‍රයන්ගේ විශිෂ්ටතම නාට්‍යයන් වේදිකා ගත කිරීමට නියමිතය. මෙම උළෙලේ ප්‍රධාන සංවිධායක ලෙස ජූඩ් ශ්‍රීමාල් කටයුතු කරනු ලැබේ.