ඡන්ද හිමි නාමලේඛණය සඳහා ලියාපදිංචිවීම මෙවර මාර්ගතගත ක්‍රමයට සිදු කරන බව මැතිවරණ කොමිෂන් සභාව පවසනවා.
මීට පෙර ග්‍රාම නිලධාරීන් ගෙයින් ගෙට ගොස් අදාළ ආකෘති පත්‍ර ලබාදීමට කටයුතු කළද මෙවර එවැන්නක් සිදු නොකරන බවයි නිවේදනයක් නිකුත් කරමින් මැතිවරණ කොමිෂන් සභාව සඳහන් කරන්නේ.
ඒ අනුව මැතිවරණ කොමිෂන් සභාවේ නිල වෙබ්අඩවියට පිවිස පරිගීලක ගිණුමක් සකස් කර එහි “පුරවැසියන් සඳහා” යන යොමුව මඟින් “මාර්ගත ලියාපදිංචිය” යන සේවාව වෙත පිවිසීමෙන් මහජනතාවට ඡන්ද හිමි නාමලේඛනයට නම ඇතුළත් කර ගැනීම සඳහා ඉල්ලුම් කළ හැකි බවයි සඳහන් වෙන්නේ.
එසේම 2025.02.01 දිනට වයස අවුරුදු 18 සම්පූර්ණ නොවන නමුත් ජාතික හැඳුනුම්පත හෝ හැඳුනුම්පතේ තොරතුරු තහවුරු කිරීමේ ලිපිය සහිත යොවුන් පුරවැසියන් හට “පුරවැසියන් සඳහා” යන යොමුවෙහි “යොවුන් පුරවැසියන් ලියාපදිංචි කිරීම” යන e සේවාව මඟින් පිවිසී ඉදිරි ඡන්ද හිමි නාමලේඛනයන් හි ලියාපදිංචිවීම සඳහා ඉල්ලුම් කළ හැකි බවයි වැඩිදුරටත් සඳහන් වෙන්නේ.
මේ සම්බන්ධයෙන් වන වැඩිදුර තොරතුරු පහතින්.
