Local

අස්වැසුමට යළි අයදුම් පත් 15 දා සිට

Saturday, 10 February 2024 - 8:02 am

‘අස්වැසුම’ යෝජනා ක්‍රමය සඳහා නැවත අයදුම්පත්‍ කැඳවීම එළඹෙන 15 බ්‍රහස්පතින්දා සිට ක්‍රියාත්මක බව මුදල් රාජ්‍ය අමාත්‍ය ශෙහාන් සේමසිංහ මහතා ප්‍රකාශ කළේය. ඔහු මේ බව කියා සිටියේ අනුරාධපුර දක්ෂිණ ප්‍රවාහන මධ්‍යස්ථානයේ සංවර්ධන කටයුතු ක්‍රියාත්මක කිරීම පිළිබඳව සොයා බැලීමට ඊයේ (9) කළ නිරීක්ෂණ චාරිකාවකින් අනතුරුව මාධ්‍ය වෙත අදහස් දක්වමිනි.

මාසයක කාලයක් පුරා නැවත අයදුම්පත්‍ර කැඳවීම සිදු කරන බවත්, ඒ පිළිබඳ පුළුල් ප්‍රචාරයක් දීමට කටයුතු කරන බවත් ඔහු මෙහිදී පැවසීය. ආර්ථික අර්බුදය හමුවේ අක්‍රිය ණය සම්බන්ධයෙන් අදහස් පළ කරමින් අක්‍රිය ණය පවතිනුයේ රාජ්‍ය බැංකුවල පමණක් නොවන බවත්, එය 13%ක පමණ ප්‍රමාණයක් වන බවත් පැවසූ ඔහු මේ වන විට ස්ථාවර ආර්ථිකයක් රට තුළ පවතින අතර, රජයේ අවධානය ආර්ථික ක්‍රියාවලිය කඩිනම් කිරීම බව පැවසීය. එසේම මහා භාණ්ඩාගාරය සහ නාගරික සංවර්ධන අමාත්‍යාංශය ඒකාබද්ධව ක්‍රියාත්මක කරනු ලබන අනුරාධපුර දක්ෂිණ ප්‍රවාහන මධ්‍යස්ථානය සංවර්ධන කටයුතු අවසන් කිරීම සඳහා මුදල් අමාත්‍යාංශය මඟින් රුපියල් බිලියන දෙකක මුදලක් වෙන් කර තිබේ.

අනුරාධපුර ඒකාබද්ධ නාගරික සංවර්ධන ව්‍යාපෘතියක් ලෙස ශ්‍රී ලංකා රජය සහ සංවර්ධන සඳහා වූ ප්‍රංශ නියෝජිත ආයතනය මූල්‍ය දායකත්වයෙන් ආරම්භ කරන ලද දක්ෂිණ බහුවිධ ප්‍රවාහන මධ්‍යස්ථානය රටේ පවතින මූල්‍ය අර්බුදය හේතුවෙන් තාවකාලිකව නතර කර තිබුණද, අත්‍යවශ්‍ය ව්‍යාපෘති නැවත ක්‍රියාත්මක කිරීමේ රජයේ වැඩපිළිවෙළ යටතේ මේ සඳහා මූල්‍ය පහසුකම් සැලසීමට රජය කටයුතු කරන බවද රාජ්‍ය අමාත්‍යවරයා පැවසිය.

බස් රථවල ගමන් කරන මගීන්ට මෙන්ම දුම්රිය ප්‍රවාහනය සඳහා යොමු වන මගීන්ටද පහසුකම් සලසාදීම වෙනුවෙන් එම දුම්රිය සහ බස්රථ ප්‍රවාහන සේවා ඒකාබද්ධ කිරීමේ ව්‍යාපෘතිය මේ වර්ෂයේ දෙසැම්බර් මාසය වන විට අවසන් කිරීම රජයේ අරමුණ බවද හෙතෙම සඳහන් කළේය.


Top Stories
wedivistara

පොත් බෑගයේ බර අඩු කරන්න ලොකු අච්චු පොත් කොටස් වශ­යෙන් මුද්‍ර­ණ­යට අව­ධා­නය

wedivistara

පිදුරුගොඩට වැටී පුද්ගලයෙකු සැකකටයුතු ලෙස මිය යයි

wedivistara

පෙබරවාරි මාසයේ වාර්තා ගත සංචාරක පිරිසක්

wedivistara

මාර්තු 5 සිට 7 දක්වා පාර්ලිමේන්තුව රැස්වේ

wedivistara

ආනන්ද - නාලන්ද සුලෝහිත සංග්‍රාමය අද

wedivistara

ජනාධිපතිවරණය ගැන IHP ජනවාරි සමීක්ෂණයට අනුව අනුරට තවදුරටත් 50%ක්, සජිත්ට 36%ක් සහ ​රනිල්ට 7%ක්

Trending
wedivistara

“දේශය වෙනුවෙන් එක් වන පියවරක්” එක්සත් ජනරජ පෙරමුණේ යෝජනාවලිය ජනපතිට

wedivistara

ජාතික ඉෆ්තාර් උත්සවයට වැය කෙරෙන මුදල් ගාසා තීරයේ ගැටුම් හේතුවෙන් අවතැන්ව සිටින දරුවන්ගේ සෞඛ්‍ය පහසුකම් වෙනුවෙන් – ජනපතිගෙන් උපදෙස්

wedivistara

වනිඳුට ICC යෙන් තරග දෙකක තහනමක්

wedivistara

උද්දික ප්‍රේමරත්න මන්ත්‍රී ධුරයෙන් ඉල්ලා අස්වෙයි

wedivistara

දමිතා සැමියා ගැන විම­ර්ශන

wedivistara

ANE MAERSK කොළඹ වරායට පැමිණෙයි


NEWS ALERT