Local

ජනපති පෙබරවාරි මාසයේ එක්සත් අරාබි එමීර් රාජ්‍යයේ නිල සංචාරයක

Monday, 03 February 2025 - 8:17 pm

මෙරට වරාය හා ගුවන්⁣සේවා සඳහා ආයෝජනයට එක්සත් අරාබි එමීර් රාජ්‍යය එකඟතාව පලකර ඇතැයි ප්‍රවාහන, මහාමාර්ග, වරාය හා සිවිල් ගුවන්සේවා අමාත්‍යාංශය පවසනවා.

අමාත්‍ය බිමල් රත්නායක සහ ශ්‍රී ලංකාවේ එක්සත් අරාබි එමීර් රාජ්‍ය තානාපති ඛලීඩ් අල් අමේරි යන මහත්වරුන් අතර පැවැති විශේෂ හමුවකදී ඒ බව සඳහන් කර ඇති බවයි සඳහන් වෙන්නේ.

ශ්‍රී ලංකාවේ එක්සත් අරාබි එමීර් රාජ්‍ය තානාපතිවරයා ගුවන් පර්යන්තයක් සඳහා ආයෝජනයට ද එහිදී එකඟතාව පළ කර තිබෙනවා.

ජනාධිපති අනුර කුමාර දිසානායක මහතා මේ මාසයේ මැද භාගයේ දී එක්සත් අරාබි එමීර් රාජ්‍යයේ නිල සංචාරයක නිරත වීමට නියමිත බවයි ප්‍රවාහන, මහාමාර්ග, වරාය හා සිවිල් ගුවන්සේවා අමාත්‍යංශය වැඩිදුරටත් ප්‍රකාශ කළේ.