Local

පාර්ලිමේන්තු මන්ත්‍රීකම බලු කරලා, නන්නත්තාර කරලා තියෙන්නේ - දයාසිරි

Friday, 07 February 2025 - 10:07 pm

මන්ත්‍රීවරයෙකුට යම් වරප්‍රසාදයක් තිබිය යුතු බවට වන මතයේ තමන් සිටින බව පාර්ලිමේන්තු මන්ත්‍රී දයාසිරි ජයසේකර පවසනවා.

ඒ අනුව ජනතාව එරෙහි වූයේ ප්‍රමාණය ඉක්මවා වරප්‍රසාද භුක්තිවිඳීමට බවයි අද (07) පාර්ලිමේන්තුවේදී අදහස් දක්මින් මන්ත්‍රීවරයා සඳහන් කළේ.

පාර්ලිමේන්තු මන්ත්‍රී ධූරය අද වන විට හෑල්ලුවට ලක්කර බලු තත්ත්වයට පත් කර නන්නත්තාර කර ඇති බවද මන්ත්‍රීවරයා ප්‍රකාශ කළා.

ආණ්ඩුවේ මන්ත්‍රීවරුන් වැටුප් ලබා නොගන්නා බවට පැවසුවද මන්ත්‍රීවරුන් 159 දෙනාගේ ලංකා බැංකුවේ විවෘත කර ඇති ගිණුම්වලට අදාළ වැටුප බැරවූ පසු පැලවත්ත පක්ෂ කාර්යාලයට යොමු කර ඉතුරු රුපියල් 88,000 ක් පමණ මන්ත්‍රීවරුන්ට ලැබෙන බවත් මෙය අල්ලසක් බවයි පාර්ලිමේන්තු මන්ත්‍රී දයාසිරි ජයසේකර වැඩිදුරටත් ප්‍රකාශ කළේ.