Local

සුදානම හෙළිකරන දිලිත්

Monday, 23 September 2024 - 5:06 pm

ඉදිරි මහමැතිවරණය සඳහා තරග කිරීමට තමන් සුදානම් බව මව්බිම ජනතා පක්ෂයේ නායක, ව්‍යවසායක දිලිත් ජයවීර මහතා පවසයි.

ඔහු පෙන්වා දෙන්නේ, මෙවර ජනාධිපතිවරණයේ දී තමාකෙරෙහි ජනතාව තැබු විශ්වාසයට සිය ස්තූතිය පුද කරන බවය.

ජනාධිපතිවරණයෙන් ලැබු පන්නරයත් සමග එළැඹෙන මහ මැතිවරණය සඳහා ශක්තිමත්ව මුහුණදීමට බලාපොරොත්තු වන බව ව්‍යවසායක දිලිත් ජයවීර මහතා සඳහන් කළේය.

'අපි කරේ උත්සාහයක්. අපි උත්සාහ කළේ සාම්ප්‍රදායෙන් පිට යමක් කරන්න. ඒ උත්සාහය තුළ හොඳ පණිවුඩයක් ජනතාව ලබාදීලා තියෙනවා. ඒක අපේ උත්තේජනයට හා අභිප්‍රේරණයට හේතුවුණා. අපි විශ්වාස කරනවා ලංකාවේ යාපනයේ ඉඳලා දෙවුන්දර තුඩුව දක්වා අපිට ප්‍රතිචාර දක්වලා තියෙනවා. ඒ වගේම අපි හිතනවා ලංකාවේ තාරුණ්‍ය ඉල්ලා සිටිය වෙනස නිර්මාණය කරන්න යම් අඩිතාලමක් දාන්න අපිට පුළුවන් වුණා. ඒ ගැනත් අපි සන්තෝස වෙනවා. බලාපොරොත්තු වෙනවා නුදුරු අනාගතයේ දී එළැඹීමට මහ මැතිවරණයේ දී දිවයින පුරා තරග කරන්න. ඒ තුළින් අපි බලාපොරොත්තු වන වෙනසට අවශ්‍ය උපායමාර්ගික සැලැස්ම, දේශපාලනික සැලැස්ම නිර්මාණය කරගන්න.'