Local

තලතාගෙන් නිවේදනයක්

Saturday, 31 August 2024 - 8:26 am

ගෝඨාභය රාජපක්ෂ විසින් වරක් තහවුරු කළ ඒ භයානක අත්දැකීම නැවත වරක් වෙනත් නමකින් අප ළඟා ගතයුතු නැති බව සමඟි ජන බලවේගයේ හිටපු පාර්ලිමේන්තු මන්ත්‍රිනී තලතා අතුකෝරළ මහත්මිය නිවේදනයක් නිකුත් කරමින් පවසයි .එදා මුළු රටම නොමග ගිය ආකාරයටම ගෝඨාභය දෙවන කොටස යළි සකස්වෙමින් පවතින ආකාරය තමන්ට අවබෝධ වූ සැණින් තමා එය හෙළිදරව් කිරීමට කටයුතු කළ බව ඇය සඳහන් කරයි.මීට පෙර කැබිනට් අමාත්‍ය තනතුරුද ඇතුළුව විවිධ තනතුරු ගණනාවක් හොබවා ඇති තමා හට මේ මොහොතේ අවශ්‍ය වන්නේ කිසිදු තනතුරක් හෝ වරප්‍රසාදයක් නොව ඉහත කී අනාගත අවදානම පිළිබඳව මේ රටත් ජනතාවත් දැනුවත් කිරීම බව යැයි ද පවසයි.තමන්ට සජිත් ප්‍රේමදාස මහතා සමග පෞද්ගලික ගැටළුවක් නැති නමුත් ඔහුගේ දේශපාලන දැක්ම හා වත්මන් ජනාධිපතිවරණයට අදාළව ඔහුගේ උපාය මාර්ගය ඉතා ගැඹුරින් අධ්‍යනය කිරීමේදී තමන්ට අවබෝධ වූ සත්‍යය ඉතා භයානක බව ද අතුකෝරල මහත්මිය සිය නිවේදනය මගින් සදහන් කරයි.ඒ බව වහා තමන් ජනතාවට කිවයුතු බවත් මෙහිදී තමන්ගේ වගකීම වන්නේ කෙසේ හෝ යළිත් වරක් කවුරුන් විසින් හෝ එවැනි භයානක තත්වයකට මේ රට ඇද දැමීමෙන් වැළැක්වීම බවත් ඇය කියා සිටියි.ඊයේ දින මාධ්‍ය නිවේදනයක් නිකුත් කරමින් ඇය මේ බව සඳහන් කර ඇත.