Local

උණ්ඩියල් සහ හවාලා ක්‍රම ශ්‍රී ලංකාව තුළ අනීතික නැහැ - හර්ෂ ද සිල්වා

Thursday, 09 January 2025 - 8:19 am

උණ්ඩියල් ක්‍රමය සහ හවාලා ක්‍රම ශ්‍රී ලංකාව තුළ අනීතික නොවන බව රාජ්‍ය මුදල් පිළිබඳ කාරක සභාවේ සභාපති ආචාර්ය හර්ෂ ද සිල්වා පවසනවා.

නමුත් ඒවා කිසිම විදියකින් නියාමනය නොවන නිසා, 2024 ජුනි සිට 2025 මැයි යන මාස 12 ක කාලසීමාව තුළ හවලා සහ උණ්ඩියල් ක්‍රමයට මුදල්වල වටිනාකම අන්තර්ජාතිකව ගණුදෙනු කරන පුද්ගලයින් ලියාපදිංචි කිරීම සම්බන්ධයෙන් මුදල් කාරක සභාවට යෝජනාවක් ඉදිරිපත් වී ඇති බවයි මන්ත්‍රීවරයා සඳහන් කළේ.

මේ පිළිබඳව ගැඹුරු සමාලෝචනයක් කර වාර්තාවක් ඉදිරිපත් කරන ලෙසට රාජ්‍ය මුදල් පිළිබඳ කාරක සභාව මහ බැංකුවෙන් ඉල්ලා සිටි බවත්, එය සම්මත කර පාර්ලිමේන්තුවට ඉදිරිපත් කර ඇති බවයි පාර්ලිමේන්තු මන්ත්‍රී හර්ෂ ද සිල්වා වැඩිදුරටත් ප්‍රකාශ කළේ.