ඇල්පිටියේදී මාලිමාව, සජබ ප‍්‍රතිශත පහල බසී.. පොහොට්ටුව ඉහලට..
Sunday, 27 October 2024 - 12:59 pm
ඊයේ සිදු කරන ලද ඇල්පිටිය ප්‍රාදේශීය සභා ඡන්ද විමසීමේදී ජාතික ජනබල වේගය හා සමගි ජන බල වේගයේ ඡන්ද ප්‍රතිශතයන් වල පහළ යාමක් පෙන්නුම් කරයි.
ඒ පසුගිය සැප්තැම්බර් 21 වන දින පැවති ජනාධිපතිවරණ ප්‍රතිශතයන්ට සාපේක්ෂවයි.
ජනාධිපතිවරණයේදී ඇල්පිටිය ආසනයෙන් ජාතික ජන බලවේගය 49.37% ඡන්ද ප්‍රතිශතයක් ලබා ජයගත් අතර මෙවර ඇල්පිටිය ප්‍රාදේශීය සභා මැතිවරණයේදී ඔවුන් හිමිකරගෙන ඇත්තේ 47.58%කි.
සමගි ජන බලවේගය පැවති ජනාධිපතිවරණයේදී 27.35% ප්‍රතිශතයක් ලබා ගත්තත් මෙවර ප්‍රාදේශීය සභා මැතිවරණයේදී එය 21.8% දක්වා පහත බැස තිබේ.
පසුගිය ජනාධිපතිවරණයේදී විශාල පරාජයක් ලැබූ ශ්‍රී ලංකා පොදුජන පෙරමුණ ඇල්පිටිය ආසනයේ දී ලබා ගත් ජන්ද ප්‍රතිශතය 3.56%කි.
මෙවර ඇල්පිටිය ප්‍රාදේශීය සභා මැතිවරණයේදී එය 9.89% දක්වා වර්ධනය වී ඇත.
එක්සත් ජාතික පක්ෂය පසුගිය ජනාධිපතිවරණයට හා ඇල්පිටිය ප්‍රාදේශීය සභා මැතිවරණයට තරග කිරීමට කටයුතු කළේ නැත.
