වසර 33කට පසු අමෙරිකාවෙන් සරම්ප ආසාදිතයෝ 1300ක්
Wednesday, 09 July 2025 - 10:48 am
අමෙරිකාවේ සරම්ප රෝගීන් සංඛ්‍යාව 1,300කට ආසන්න වී ඇතැයි විදෙස් මාධ්‍ය වාර්තා කරයි. එරට ජෝන් හොප්කින්ස් විශ්වවිද්‍යාලය නිකුත් කළ දත්ත වාර්තාවකට අනුව එවැනි ඉහළම සරම්ප රෝගීන් සංඛ්‍යාවක් අමෙරිකාවෙන් වාර්තා වී ඇත්තේ වසර 33කට පසුව බව ද විදෙස් මාධ්‍ය වැඩිදුරටත් වාර්තා කරයි. අමෙරිකාවෙන් සහමුලින්ම තුරන් වූ බවට මිට පෙර වාර්තා පළවූ සරම්ප රෝගය වර්තමානය වන විට අඛණ්ඩව ව්‍යාප්ත වෙමින් පවතින බව ද ජෝන් හොප්කින්ස් විශ්වවිද්‍යාලය නිකුත් කළ වාර්තාවේ සඳහන් වී තිබේ.
එම වාර්තාවට අනුව අමෙරිකාවේ ප්‍රාන්ත 38ක සරම්ප රෝගය ව්‍යාප්ත වී ඇති අතර, එහි අතුරු ආබාධ හේතුවෙන් අවම වශයෙන් පුද්ගලයන් තිදෙනකු ජීවිතක්ෂයට පත්වී ඇතැයි ද විදෙස් මාධ්‍ය සඳහන් කරයි. දැනට වාර්තා වී ඇති රෝගීන්ගෙන් 92%ක්ම එන්නත්කරණයට ලක් නොවූ පුද්ගලයන් බවද වාර්තා වේ. සරම්ප රෝගය වැඩි වශයෙන් පැතිරී ඇති ටෙක්සාස් ප්‍රාන්තයෙන් පමණක් ආසාදිතයන් 700කට වැඩි ප්‍රමාණයක් හඳුනාගෙන ඇති අතර, තවත් සැලකිය යුතු සංඛ්‍යාවක් කැන්සාස් සහ නිව්මෙක්සිකෝ ප්‍රාන්තවලින් වාර්තා වී තිබේ.
.webp)
