Local

ජනතාවගේ සිහින මියැදිලා රට නැවතත් බරපතල අර්බුදයට ගමන් කරනවා - සමන් රත්නප්‍රිය

Friday, 07 February 2025 - 10:06 pm

ආණ්ඩුව සිදුකරන සෑම දෙයක්ම මේ වන විට අසාර්ථක වෙමින් ඇති බව හිටපු පාර්ලිමේන්තු මන්ත්‍රී සමන් රත්නප්‍රිය පවසනවා.

ඒ අනුව ජනතාවගේ සිහින මියැදී ඇති බවත් රට නැවතත් බරපතල අර්බුදයට ගමන් කරන සේයාවන් ආණ්ඩුව විසින් පෙන්නුම් කරමින් ඇති බවයි අද (07) මාධ්‍ය වෙත අදහස් දක්වමින් හිටපු මන්ත්‍රීවරයා සඳහන් කළේ.

ආණ්ඩුව වී වලට සහතික මිලක් දැමීම ප්‍රමාද කිරීම හරහාත් නිවැරදි සහතික මිලක් ගොවියන්ට නොලැබීම නිසාත් ඔවුන් අපහසුතාවයට පත්ව ඇති බවද ඔහු සඳහන් කළා.

ආණ්ඩුව විශාල ශබ්දයක් දමා Clean Sri Lanka නැමැති ව්‍යාපෘතියක් ආරම්භ කළ බවත් දැන් එම ව්‍යාපෘතිය ක්‍රියාත්මක වන්නේ දැයි රටට ගැටලුවක් බවයි හිටපු පාර්ලිමේන්තු මන්ත්‍රී සමන් රත්නප්‍රිය වැඩිදුරටත් ප්‍රකාශ කළේ.