ශ්‍රී ලංකා - එංගලන්ත තරගයේදී ජෝ රූට්ගෙන් වාර්තා රැසක්
Friday, 30 August 2024 - 6:13 pm
ශ්‍රී ලංකා - එංගලන්ත දෙවැනි ටෙස්ට් ක්‍රිකට් තරගයේදී ලකුණු 143ක් ලබා ගනිමින් සිය 33වැනි ටෙස්ට් ශතකය රැස්කර ගැනීමට ඊයේ (29) එංගලන්ත ක්‍රීඩක ජෝ රූට්, සමත් වුණා.ඒ අනුව, මෙතෙක් එංගලන්තය වෙනුවෙන් වැඩිම ටෙස්ට් ශතක සංඛ්‍යාවක් වාර්තාකළ හිටපු නායක ඇලෙස්ටියාර් කුක් හා සමවීමට එහිදී ඔහු සමත් වූ අතර, ඔවුන් දෙපළගෙන් පසු වැඩිම ශතක ප්‍රමාණයක් රැස් කර ඇත්තේ කෙවින් පීටර්සන් වන අතර, එම සංඛ්‍යාව ශතක 23ක්. ඊයේ රැස් කළ ශතකයත් සමඟින් එංගලන්ත ක්‍රීඩක ජෝ රූට් මේ වනවිට ටෙස්ට් ක්‍රිකට් පිටියේ සිටින පිතිකරුවන්ගෙන් වැඩිම ශතක රැස්කර ඇති පිතිකරුවා වීමටද සමත් වීම විශේෂත්වයක්. එමෙන්ම, මෙම තරගාවලියේදී ඔහු තවත් එක් ශතකයක් හෝ රැස් කරනු ලැබුවහොත් ක්‍රිකට් ක්‍රීඩාවේ හඳවත බඳු ලෝඩ්ස් ක්‍රීඩාංගණයේ වැඩිම ශතක ප්‍රමණයක් රැස්කළ පිතිකරුවාද ඔහු වනු ඇති.
.webp)
